اليتيمة

في الليل ..

في اطراف المدينة ..

في جنح الظلام .

طغيت ع السكون ..

الانغام الحزينة ..
رددها ليتام .
آهات..

عبرات ..

صرخات المساكين .
والليل الطويل ..

يطوي في الانين .

وفجأة ..
ساد الصمت فجأة ..
وقربت خطاوي عاثرة ..
تقطع سكون الصمت .
خطوات طفلة حايرة ..
تراب قبر والديها طري .
باثواب رثة سايرة ..
علي خدودها الدمع السخي .
تعبت.. نامت ع الرصيف
صحاها فقدان القوت ..
والبرد والآلام .
صاحت بأعلى صوت ..
يانايمين :
لمن تاركين اخوانكم ؟
للخوف واللا للألم.
يانايمين :
لمن تاركين اخوانكم ؟
للدمع واللا للشقا والهم .
وكان الجواب: ماتندهي
ماتسمعي الا صدى الاصوات .
مات الضمير ف الناس ..
وعرق المحنة مات ..
كيفك بالغربة حسينا .
قبلك نادينا واعيينا ..
وجفّت ف الليل مدامعنا .
قبلك دورنا ع العون ..
ملتهيين الناس علينا ..
بظروف وماحد سامعنا .
لنّا الله احنا واياك..
ندسّو ف الليل مواجعنا.
نحنا خوتِك..

نحنا ناسِك ..
نحنا نحسّوا كيف احساسك .
وبالحضن يضمك مجمعنا ..
في البيت الكبير الليل .