اليتيمة

في الليل ..

في اطراف المدينة ..

في جنح الظلام .

طغيت ع السكون ..

الانغام الحزينة ..
رددها ليتام .
آهات..

عبرات ..

صرخات المساكين .
والليل الطويل ..

يطوي في الانين .

وفجأة ..
ساد الصمت فجأة ..
وقربت خطاوي عاثرة ..
تقطع سكون الصمت .
خطوات طفلة حايرة ..
تراب قبر والديها طري .
باثواب رثة سايرة ..
علي خدودها الدمع السخي .
تعبت.. نامت ع الرصيف
صحاها فقدان القوت ..
والبرد والآلام .
صاحت بأعلى صوت ..
يانايمين :
لمن تاركين اخوانكم ؟
للخوف واللا للألم.
يانايمين :
لمن تاركين اخوانكم ؟
للدمع واللا للشقا والهم .
وكان الجواب: ماتندهي
ماتسمعي الا صدى الاصوات .
مات الضمير ف الناس ..
وعرق المحنة مات ..
كيفك بالغربة حسينا .
قبلك نادينا واعيينا ..
وجفّت ف الليل مدامعنا .
قبلك دورنا ع العون ..
ملتهيين الناس علينا ..
بظروف وماحد سامعنا .
لنّا الله احنا واياك..
ندسّو ف الليل مواجعنا.
نحنا خوتِك..

نحنا ناسِك ..
نحنا نحسّوا كيف احساسك .
وبالحضن يضمك مجمعنا ..
في البيت الكبير الليل .

حيرة

شي في يقول عجل
قبل هاللحظة تفوت
اعترف انك اخطيت
مرهف الاحساس يزعل
لو تخيرت السكوت
ويزعل اكثر لو حكيت
طول عمرا هالوديد
يعذر ويصفح ويغفر
و في حناياه المزيد
مهما نخطا عفوا يحضر
الا في عف المشاعر
لو جرحته مايتردد فالجفا
هك باين في عيونا
مالفظها ..بس نعرفها انا
ذات مرة..كنا في احلى مسا
ذكريات وجو رائع
عن ليالينا الخوالي
وذكريات اول لقاء
وفجأة قتله:
تخيل لو عرفت انك تمثل
في حياتي
ذلك الجزء الكبير
وفيه في قلبي مكان
لحد غيرك
ولو صغير
طال صمتا والسكون اللي
طغى..يشبه بركان
واختلف طعم الحديث
واختلف جو المكان
نحاول انغير الجو
وكم عجزت
هذا بس قتله تخيل
تصور
اني ماقتله تخيل
ولا تخيرت السكوت
لو سمعها
لو عرف ممكن يموت.

طاب صبحك

طاب صبحِك ..
طاب يومِك ..
طابت لياليك عمري ..
قبل ما تفتّح ورودِك ..
قبل كل الناس بدري ..
جيتِك انصبّح عليك..
بيك هايم..
جيت ..
نسبق خطو فجرِك .
كالندى نقبّل ايديك ..
و كالنّسايم ..
نعبث ..
بخصلات شعرك .
وفي حضور الشوق ..
نهمس :
يا بلادي ..
أسعد الله هـ الصّباح..
واسعد لياليك عمري .
كل قطرة من شرابك ..
أغلى من كل الأماني .
كل ذرة من ترابك ..
يا بلادي .. قلب حاني .
كل سهل وكل وادي..
كل شي جوّا الحدود.
ينبض ابنبضه فؤادى..
وبيك ننبض يالودود.
من سماك الشمس تطلع ..
وفي شواطيّك اتغيب.
والقمر مهما تعَّلا ..
في سما غيرك غريب .
و النسايم ..
من روابيك الجميلة ..
تبدأ الرحلة الطويلة ..
ولموانيِّك تعود .
ويشهد الله ..
انِّك أغلى ..
هـ الوجود ..
والوجود يطيب صبحه ..
بيك أنتي ..
طاب صبحك ..
طاب يومك ..
طابت لياليِك عمري .

ثاري اللي دوّار

إلي والدي..وكل الآباء الذين بلغوا سن التقاعد.

ثاري اللِّي دَوَّار ..
ياما كان امخبِّي ..
يا غافر هـ الدَّار ..
وغافر أكثر قلبي .
يا روح ..
انسابَت في صدري .
يا عمر ..
اجّدَّد في عمري ..
أنت اللِّي ضحَّيت ..
بعمرك كلَّه ليّ ..
و انت اللِّي وفَّيت ..
وما قصَّرت بشيّ ..
والله لو تمَّيت غاية لكل الناس ..
ما انتكبَّر نا يا لاك .
والله لو تمَّيت غاية لكل الناس ..
نا الغاية عندي هي ارضاك .
و تستاهل يا طيّب ..
نذرف دمعي كلّه .
كي انشوفَك متضايق .
تستاهل يا طيّب ..
نسهر ليلي كلّه ..
نين انشوفَك رايق .
يا رب أيمدك بالصّحّة ..
يا رب أيطوّل في عمرك ..
يا ربي , تضحك مسمحّا ..
ضحكة مطلوقة من صدرَك .
أضحك خليها تسعدني .
الضّحكة وتهدّي الأسرار .
أضحك خليها تسعدني ..
وتجَّاوب في أركان الدَّار .
ثاري اللِّي دوَّار .